Egnahemsvägen 9,   41321 Goteborg Sweden | info@smartincomes.co  |  +46727001001

© 2023 by Roland VC. Proudly created with Wix.com

  • Facebook - Black Circle
  • Twitter - Black Circle
  • Google+ - Black Circle
  • LinkedIn - Black Circle

Trén

Sandra í Mangóskógi

Tré eru náttúrulegur gróður á jaðri eyðimerkurinnar

 

Vaxtarskilyrði eru góð í Austur-Afríku. Sólin skín allt árið, hitinn er hagstæður en það eina sem vantar er vatn. Skógur hefur vaxið þar áður en var að mestu eytt á nýlendutímanum. Mahóní er eftirsótt viðartegund sem Vesturlandabúar sóttu til Afríku líkt og margvísleg önnur verðmæti sem finna má í álfunni. Better Globe ræktar trjátegundir sem vaxið hafa villtar á þessum svæðum, tré með langar rætur sem ná niður í grunnvatnið og þurfa aðeins vökvun í upphafi. 

 

Fyrir hvert tré sem er keypt eru gróðursett tvö ný tré. Það má skipta trjánum í tvo flokka; þau sem ræktuð eru vegna timbursins og gefa því ekki af sér afurðir fyrr en þau eru felld eftir tuttugu ár, og seld i húsgagna og gólfefnaverksmiðju og hin sem ræktuð eru vegna árlegra afurða sinna. Þessar afurðir gefa fyrirtækinu tekjur sem standa undir áframhaldandi starfsemi, launum og arðgreiðslum til okkar sem fjármögnum starfsemina.

Sandra gróðarsetur mukautré.

Tuttugu og þriggja ára mukautré.

Mukau – afrískt mahóní

Það tré sem mest er ræktað heitir mukau á swahili, tungu heimamanna. Latneska nafnið er Melia volkensii. Tréð óx upphaflega villt í Kenía og nokkrum nágrannalöndum. Það fjölgar sér þannig að rætur þess skjóta upp afleggjurum en þar sem trénu hefur að mestu verið útrýmt fjölgar það sé ekki lengur á eðlilegan hátt. Tréð ber harðan, óætan ávöxt sem geymir fræ sem erfitt er að ná. Í nokkur ár áður en Better Globe var stofnað hafði Jan safnað ávöxtum þeirra fáu trjáa sem enn lifðu í Kenía og þróað aðferð til að sá fræjunum og framleiða nýjar plöntur. Timbrið af trénu líkist hinum þekkta mahónívið en gæðin eru enn meiri. Tréð vex hratt og verður fullvaxta á aðeins tuttugu árum. 

 

Better Globe byrjaði að gróðarsetja þessi tré tveimur árum áður en fyrirtækið hóf að gefa almenningi kost á að fjármagna starfsemina. Afrakstur þessarar vinnu verður tilbúinn til notkunar eftir fjögur til sex ár. Markmiðið er að setja á fót verksmiðju til að auka verðmæti afurðanna og skapa ný atvinnutækifæri. Tilraunaframleiðsla á húsgögnum, gólfefnum og skartgripum er hafin og hefur gefist vel. Viðskiptavinir fyrirtækisins geta keypt mukau-úr á heimasíðu Better Globe. 

Gólfefni framleitt úr Mukau timbri.

Armbandsúr framleitt úr mukau timbri.

Acasia Senegal eða gúmmitré

Acacia Senegal er trjátegund sem ræktuð er til að skila tekjum fyrr en þau tré sem gefa timbur geta gert. Þetta tré þolir þurrka einstaklega vel og getur lifað án vatns í allt að átján mánuði. Better Globe ræktar því þetta tré á allra þurrustu svæðunum. Vinnan við tréð er fremur létt og hentar vel á svæðum þar sem margar konur eru meðal bænda. Það þarf ekki að forma tréð eins og gera þarf við Mukau tréð og er mjög erfið vinna, heldur er vinnan aðallega fólgin í að tappa af því safanum en það er hægt að gera eftir aðeins fjögur ár. Safinn kallast Gum Arabic og er mjög verðmæt afurð sem gefur góðar tekjur i tuttugu og fimm til þrjátíu ár. 

 

Gum Arabic safinn er einnig nefndur azaciagúmmí og hann má nota á margvíslegan hátt. Leystur upp í vatni er hann notaður sem pappírslím og einnig er hann notaður sem bindiefni í vatnsliti. Í matvælaiðnaðinum er hægt að nota gúmmíið í tyggjó, gosdrykki og kökur og er það flokkað sem E 414 á evrópskum aukefnalistum. Í lyfjaiðnaði er það einkum notað í blóðvökva, töflur og nýrnaskilunarvökva.

Eplamangótré

Eplamangótré eru líka mikið ræktuð en eitt tré gefur af sér hundrað til fjögur hundruð kíló af ávöxtum á ári. Á uppskerutímanum fyllist markaðurinn af mangóávöxtum og verð þeirra lækkar. Better Globe hefur tekist að flýta frjóvgun mangótrjáa til að fá uppskeru á undan öðrum og fær þannig mun betra verð fyrir ávöxtinn. Fyrirhugað er að setja upp verksmiðju til að pressa ávextina og framleiða mangósafa. 

 

Better Globe ræktar einnig casuarinatré sem gróðursett eru til að verja önnur tré gegn vindi. Auk þess er í gangi tilraunaræktun á neemtrjám í því skyni að sjá hvar þau þrífast best en þetta tré gefur af sér afurðir sem notaðar eru til lækninga. 

Babou hnetur eru líka malaðar og seldar sem morgunkorn eða duft. Þær eru fullar af vítamínum en einnig er unnið olía úr hnetunum sem er einstaklega góð gegn húðsprungum á hælum.