Egnahemsvägen 9,   41321 Goteborg Sweden | info@smartincomes.co  |  +46727001001

© 2023 by Roland VC. Proudly created with Wix.com

  • Facebook - Black Circle
  • Twitter - Black Circle
  • Google+ - Black Circle
  • LinkedIn - Black Circle

Áhætta.

 

Kaup á trjám fela í sér fjárhagslega áhættu og fyrirtækið getur því miður ekki ábyrgst arð þinn. Aftur á móti getur það ábyrgst að gera það sem í þess valdi stendur til að halda loforð og samninga eins og gert hefur verið frá upphafi árið 2006 til dagsins í dag. Fylgst er ítarlega með öllum þáttum til að sjá fyrir hættur áður en þær valda skaða og reyna að útrýma þeim til að lágmarka hugsanlegan skaða. 

Það sama gildir hér og um allar aðra sparnaðarleiðir að þú sem kaupandi tekur áhættu með því að fjárfesta. Sú hætta er alltaf fyrir hendi að þú tapir öllum peningunum. Áhættu er hægt að meta á mismunandi vegu en við höfum valið að gera það á eftirfarandi hátt. 

Áhætta tengd skógrækt.

Hér er um að ræða áhættu sem tengist skógræktarsvæðunum og þeim afurðum sem fyrirtækið framleiðir. Sem dæmi má nefna þurrka, árásir skordýra og bruna. Þessir áhættuþættir valda minnstum áhyggjum vegna þess að þeir eru þekktir og einfalt er að minnka líkurnar á að þeir komi upp. Í kaflanum algengar spurningar má lesa um það hvernig unnið er að því að lágmarka þessa þekktu áhættuþætti sem eru hluti af öllum skógræktarverkefnum. Með tilliti til þeirra mörgu skógarbruna sem hrjáð hafa Evrópubúa í sumar, má nefna að aðeins um 1% skógarbruna eiga sér stað í ræktuðum skógi. 99% eru í villtum skógi. Ástæðan er aðalega sú að í ræktuðum skógi eru byggðar inn brunagötur sem koma í veg fyrir að eldur breiðist út og gamlar þurrar greinar og fallin tré eru ekki til staðar í ræktuðum skógi, en í villtum skógi liggur á jörðinni mikið efni sem brennur auðveldlega. 

 

Áhætta tengd  fyrirtækjarekstri í Afriku.

Rekstur hvers kyns starfsemi í Afríku er að sjálfsögðu mun áhættusamari en sambærilegur rekstur á Norðurlöndum. Á móti kemur að ómögulegt er að rækta trén á norðlægari breiddargráðum. Fyrirtækið rekur nú starfsemi í Kenía og Úganda og er að hefjast handa í Tansaníu en þessi ríki teljast til þeirra lýðræðisríkja í Afríku þar sem hvað mest jafnvægi ríkir.

 

Stjórn fyrirtækisins hafði í mörg ár rekið starfsemi í þessum löndum áður en Better Globe var stofnað. Aðstæður voru því þekktar enda hefðu þeir aldrei farið út í reksturinn ef þeir hefðu ekki talið sig geta höndlað áhættuna. Lesið gjarnan kaflann „í aðalhlutverki“  til að kynnast betur þeim sem stjórna fyrirtækinu. 

 

Áhætta tengd fyrirtækinu

 Auðvitað verður þú sem hugsanlegur viðskiptavinur að meta sjálfur hversu mikla áhættu þú telur vera tengda fyrirtækinu Better Globe og þeirri þjónustu sem það veitir. Stjórn fyrirtækisins telur traust vera undirstöðu góðra viðskipta og því mikilvægt að halda gefin loforð. Hingað til hafa öll loforð staðist og arður ávallt greiddur samkvæmt samningi þótt vegurinn hafi ekki alltaf verið beinn og breiður. Áskoranir og sigrar hafa aukið traust á fyrirtækinu enda hefur árangurinn reynst einstakur. Það fór hægt af stað en undanfarin ár hefur starfsemin aukist gríðarlega vegna þess að reynslan sýnir að viðskiptahugmyndin gengur upp enda bæði nytsöm og sjálfbær.

 

Mikilvægt að vita. 

Það geta komið fram aðrir áhættuþættir en nefndir hafa verið. Við mælum því með kaupum af trjám aðeins fyrir það fé sem þú hefur efni á að tapa. 

Eins og gildir við allar fjárfestingar, settu ekki öll eggin í sömu körfuna. Dreifðu áhættunni.

Best er að kaupa tré reglulega og yfir lengri tíma.

Skilafrestur er 14 dagar frá kaupdegi. Eftir það eru peningarnir þínir læstir og Better Globe endurgreiðir trén samkvamt þeirri áætlun sem gerð var við kaupsaming. 

Markaður fyrir “gömul” tré hefur myndast, en þau viðskipti eru ekki í höndum Better Globe

Ef spurningar vakna er ráðlegt að athuga hvort svörin er að finna i kaflanum “Algengar spurningar” og auðvitað er þér velkomið að senda okkur spurningar þínar. 

 

Að lokum má geta þess að við kynntum okkur þessa fjárfestingu vel áður en við byrjuðum að kaupa tré 2013. Ásta fór til Keníu og Úganda 2015 og svo aftur til Kenía ásamt Söndru 2017. Vid höfum séð trén, hitt bændur, séð skólana sem hafa verið byggðir og hitt bæði skólayfirvöld, kennara og nemendur þeirra skóla sem byggðir hafa verið og endurnýjaðir fyrir það fé sem safnast hefur með aðstoð gjafapakkanna. Við höfum einnig talað við stjórnendur örlánabankanna og lánþega og séð hvaða áhrif lánin hafa haft á lífið í þorpunum.

Vid höfum kynnst starfi Better Globe vel og séð árangurinn, bæði fyrir einstaklingana, samfélögin og umhverfið. Við höfum einnig fengið útborgaðan arð eftir áætlun og yfirfærsla til bankareiknings okkar hefur tekið einn dag.