Egnahemsvägen 9,   41321 Goteborg Sweden | info@smartincomes.co  |  +46727001001

© 2023 by Roland VC. Proudly created with Wix.com

  • Facebook - Black Circle
  • Twitter - Black Circle
  • Google+ - Black Circle
  • LinkedIn - Black Circle

Á mörkum eyðimerkurinnar

Talið er að lífið á jörðinni muni ekki þola þá hlýnun jarðar sem fyrirsjáanleg er. Hitastigið hefur sveiflast áður á meðan jörðin var yngri og eldgos tíðari en hitastig hefur verið nokkuð stöðugt þann tíma sem þróun mannkyns hefur verið mest. Aukin losun úrgangsefna í andrúmsloftið er talið eiga þátt í því óstöðuga hitastigi sem við eigum nú að venjast. Vísindamenn efast ekki um að jörðin sjálf muni þola aukinn hita en vafasamt er hvort manneskjan muni gera það. 

Aukin lífsgæði fólks í fátækari löndum er gleðiefni en með aukinni neyslu sem fylgir því að fleiri hafa efni á að kaupa bíl og borða nautakjöt eykst losun úrgangsefna sem jafnvel verður sambærileg losun slíkra efna á Vesturlöndum. Ef allir jarðarbúar lifðu eins og Vesturlandabúar er óvíst hversu lengi fólk gæti lifað hér á jörð.

Á hverri mínútu sem líður er höggvinn í heiminum skógur sem samsvarar fjörutíu og átta fótboltavöllum að stærð. Undanfarna áratugi höfum við eytt helmingi skóga jarðarinnar og eftir aðeins tólf ár verður vatnsþörfin í heiminum orðin fjörutíu prósentum meiri en vatnsbirgðirnar. Sérstaða Better Globe felst í því að þeim hefur tekist að stunda skógrækt sem atvinnugrein á svæði sem áður var talið óræktanlegt vegna þurrka og landeyðingar.

Myndin sýnir hvernig jarðvegur skolast burt með rigningarvatni þar sem engar rætur eru til að binda hann. 

Með skógræktarátaki sínu nær Better Globe að vinna með því fólki sem mesta þörf hefur fyrir að fá aðstoð við að hjálpa sér sjálft auk þess sem tekist hefur að breyta landi sem áður var talið verðlaust, í frjósamt ræktarland og skóga. Óhemjustórt landsvæði sunnan Sahara er talið einkis nýtt þar sem það er talið óhæft til ræktunar og því er varla hægt að stunda búskap á svæðinu. Verði ekki gripið til aðgerða verður þetta landsvæði brátt hluti eyðimerkurinnar. 

 

Íbúa svæðisins skortir bæði fjármagn og þekkingu til að spyrna gegn þessari þróun og gera landið aftur hæft til ræktunar. Flestir gefast upp en þeir sem geta, flytja annað. Eftir verður landsvæði sem fyrr en varir breytist í eyðimörk. Eina leiðin til að koma í veg fyrir þá þróun er að rækta stóra skóga.

Þegar tré eru gróðursett binda rætur þeirra jarðveginn og trén gefa líka skugga, raka og næringu sem skapar öðrum gróðri kjörlendi. Á örfáum árum tekur landið breytingum og fuglar, skordýr og önnur smádýr verða náttúrulegur hluti skógarins þannig að fyrr en varir verður mögulegt að rækta grænmeti á milli trjánna. 

Better Globe hefur tekist að stöðva landeyðingu umhverfis lónið við rafveitu KenGen í Kiambere.